दाङ,२६ माघ ।
नेपाली कांग्रेसका सभापति एवं पूर्व प्रधानमन्त्री शेरबहादुर देउवा आज घोराही आउने भएका छन् । सभापति देउवाले नेपाली कांग्रेस दाङले घोराहीमा आयोजना गरेको भेटघाट कार्यक्रमलाई निर्देशनात्मक सम्वोधन गर्ने कार्यक्रम रहेको नेपाली कांग्रेस दाङका सभापति शंकरप्रसाद डाँगीले जानकारी दिनुभएको छ ।
कार्यक्रम घोराहीस्थीत नेपाली कांग्रेस दाङको पाटी कार्यालय विहान ११ः४५ बजेदेखि हुने भएको छ । उक्त कार्यक्रममा पार्टी सभापति देउवासहित केन्द्रीय सदस्य तथा पूर्व मन्त्री बालकृष्ण खाड, दीपक गिरीलगायत पार्टीका केन्द्री सदस्यलगायतका नेताहरु आउने कार्यक्रम रहेको नेपाली कांग्रेस जिल्ला सचिव अर्जुनकुमार योगीले जानकारी दिएका छन् ।
उक्त कार्यक्रममा उपस्थीतिका लागि नेपाली कांग्रेस दाङले नेपाली कांग्रेस, भातृ तथा शुभेच्छुक संघसंगठनका नेता तथा कार्यकर्तालगायत सम्पूर्ण नागरिकमा आग्रह गरेको छ ।
