घोराही ३१ बैशाख
गुरुकुल एकेडेमीले विद्यार्थीहरूमा नेतृत्व विकास, जिम्मेवारीबोध, लोकतान्त्रिक संस्कार तथा अनुशासनको भावना अभिवृद्धि गर्ने उद्देश्यका साथ विद्यालय कप्तान, उपकप्तान तथा विभिन्न सदनका कप्तान र उपकप्तान चयनका लागि निर्वाचन सम्पन्न गरेको छ । विद्यालयका घोराही, तुलसिपुर र लमही गरी तीनवटै शाखामा एकैसाथ लोकतान्त्रिक प्रक्रियामार्फत निर्वाचन सम्पन्न गरिएको विद्यालय प्रशासनले जनाएको छ । विद्यालयले विद्यार्थीहरूलाई सानै उमेरदेखि मतदानको महत्व, नेतृत्व चयन प्रक्रिया, जिम्मेवारी निर्वाह र लोकतान्त्रिक अभ्यासको अनुभव गराउने उद्देश्यले निर्वाचन कार्यक्रम आयोजना गरेको जनाएको छ । विद्यार्थीहरूले उत्साहपूर्वक मतदानमा सहभागी भई आफ्ना प्रतिनिधि चयन गरेका थिए । निर्वाचन प्रक्रियाले विद्यालय परिसरमा लोकतान्त्रिक अभ्यासको सुन्दर उदाहरण प्रस्तुत गरेको थियो ।
गुरुकुल एकेडेमी घोराही शाखाको विद्यालय कप्तानमा कृष्ण थापा निर्वाचित भएका छन् भने उपकप्तानमा दुर्गा पुन निर्वाचित भएकी छन् । त्यसैगरी विभिन्न सदनअन्तर्गत इमरल्ड सदनको कप्तानमा सक्षम डीसी तथा उपकप्तानमा भिमा दशौदी निर्वाचित भएका छन् । सफायर सदनको कप्तानमा रादीप बाठा मगर तथा उपकप्तानमा कृति चौधरी, टोपाज सदनको कप्तानमा वेल्सन आचार्य तथा उपकप्तानमा मानुसी पोख्रेल र रुबी सदनको कप्तानमा सक्षम रोका तथा उपकप्तानमा शुभ्रत खनाल निर्वाचित भएका छन् । यस्तै, गुरुकुल एकेडेमी तुलसिपुर शाखाको विद्यालय कप्तानमा संस्कृति पुन मगर तथा उपकप्तानमा दिगम केसी निर्वाचित भएका छन् । सदनतर्फ इमरल्ड सदनको कप्तानमा अनुस्का डाँगी तथा उपकप्तानमा सक्षम गौतम, सफायर सदनको कप्तानमा सुदीप खड्का तथा उपकप्तानमा मनि भुषाल निर्वाचित भएका छन् । त्यसैगरी टोपाज सदनको कप्तानमा प्रिन्स थापा तथा उपकप्तानमा दिपिना भण्डारी र रुबी सदनको कप्तानमा अनुस्का केसी तथा उपकप्तानमा सुशान्त पुन मगर निर्वाचित भएका छन् ।
त्यसैगरी गुरुकुल एकेडेमी लमही शाखामा विद्यालय कप्तानमा जस्टिन बस्याल तथा उपकप्तानमा युरिका बुढाथोकी निर्वाचित भएका छन् । विभिन्न हाउसअन्तर्गत रेड हाउसको हेडब्वाईमा मुनाल ज्ञवाली तथा हेडगर्लमा त्रिशाना सुवेदी, ब्लु हाउसको हेडब्वाईमा विल्सन चौधरी तथा हेडगर्लमा कृतिका गिरी निर्वाचित भएका छन् । यस्तै एलो हाउसको हेडब्वाईमा प्रतीक महतो तथा हेडगर्लमा श्वेता बसेल र ग्रीन हाउसको हेडब्वाईमा गौरव चौधरी तथा हेडगर्लमा जानकी पुन मगर निर्वाचित भएका हुन् ।
विद्यालयका अनुसार निर्वाचन कार्यक्रमले विद्यार्थीहरूमा नेतृत्व क्षमता विकास गर्नुका साथै सामूहिक कार्यशैली, अनुशासन, सहकार्य र जिम्मेवारी वहन गर्ने क्षमताको विकास गर्ने अपेक्षा गरिएको छ । विद्यालयले आगामी दिनमा पनि यस्ता सिर्जनात्मक तथा व्यवहारिक कार्यक्रमलाई निरन्तरता दिने जनाएको छ ।
निर्वाचनपछि विजयी विद्यार्थीहरूले विद्यालय, शिक्षक तथा साथीहरूको विश्वासलाई सम्मान गर्दै जिम्मेवारीपूर्वक आफ्नो भूमिका निर्वाह गर्ने प्रतिबद्धता व्यक्त गरेका थिए । निर्वाचन प्रक्रियाले विद्यार्थीहरूमा उत्साह थप्नुका साथै विद्यालयमा लोकतान्त्रिक संस्कृतिको अभ्यासलाई अझ मजबुत बनाएको सहभागीहरूको भनाइ रहेको छ ।
