युवराज बस्नेत
दाङको घोराही यतिबेला एउटा नामले निकै चर्चा बटुलिरहेको छ—सबिन प्रियासन । सम्भवतस् नेपालमै पहिलोपटक कुनै व्यक्तिले स्थानीय तह निर्वाचन हुनुभन्दा धेरै अगाडि नै खुलेर मेयर पदमा उम्मेदवारी घोषणा गरेपछि घोराही मात्र होइन, अन्य पालिकामा समेत राजनीतिक बहसले नयाँ मोड लिएको देखिन्छ। प्रियासनको उम्मेदवारी घोषणा सामाजिक सञ्जाल र सञ्चारमाध्यममा व्यापक रूपमा भाइरल बनेको छ। अहिले घोराहीका चिया पसल, चौतारा, टोल विकास संस्था, सामाजिक कार्यक्रमदेखि युवाको जमघटसम्म “भावी मेयर” का रूपमा उनको चर्चा हुन थालेको छ।
नेपालको स्थानीय राजनीतिमा उम्मेदवारी घोषणा प्रायः निर्वाचन नजिकिँदै गर्दा हुने चलन रहिआएको छ। राजनीतिक दलको टिकट पर्खने, समीकरण मिलाउने र अन्तिम अवस्थामा नाम सार्वजनिक गर्ने अभ्यास लामो समयदेखि चल्दै आएको छ। तर प्रियासनले भने समयभन्दा अगावै उम्मेदवारी घोषणा गरेर एउटा फरक राजनीतिक अभ्यासको सुरुवात गरेको देखिन्छ। यही कारण उनको घोषणाले चर्चा पाउनु अस्वाभाविक होइन।
घोराही उपमहानगरपालिका भित्रका विभिन्न सामाजिक संघसंस्था, युवाहरू, बुद्धिजीवी वर्ग तथा सर्वसाधारणबीच अहिले एउटा जिज्ञासा बढेको छ—“आखिर सबिन प्रियासनले किन यति चाँडै उम्मेदवारी घोषणा गरेरु” धेरैको बुझाइमा, यो घोषणा केवल पद प्राप्तिको इच्छा मात्र नभई एउटा दीर्घकालीन अभियानको संकेत हो। घोराहीको विकास, व्यवस्थित सहरीकरण, शिक्षा, स्वास्थ्य, खेलकुद, पर्यटन, कृषि र रोजगारी जस्ता विषयमा बहस सिर्जना गर्न उनले अग्रसरता लिएको चर्चा व्यापक छ।
प्रियासनको उम्मेदवारी घोषणा सामाजिक सञ्जालमा तीव्र गतिमा फैलियो। फेसबुक, टिकटक, युट्युब र विभिन्न अनलाइन मिडियामा उनको नाम बारम्बार चर्चामा आउन थाल्यो। कतिपयले यसलाई साहसी निर्णय भने, कतिपयले नयाँ पुस्ताको राजनीतिक आत्मविश्वासका रूपमा लिए। अझ रोचक पक्ष के छ भने, उनको घोषणापछि अन्य पालिकाका केही व्यक्तिहरूले पनि स्वतन्त्र वा दलगत रूपमा स्थानीय निर्वाचनमा उम्मेदवारी दिने घोषणा गर्न थालेका छन्। यसले एउटा सकारात्मक प्रतिस्पर्धाको संकेत गरेको छ, जहाँ चुनाव केवल अन्तिम समयमा गरिने प्रचार मात्र नभई दीर्घकालीन तयारी र दृष्टिकोणको प्रतिस्पर्धा बन्न सक्ने देखिन्छ।
घोराहीमा अहिले प्रियासनलाई “मेयर साहब” भनेर सम्बोधन गर्न थालिएको प्रसंग पनि निकै चर्चामा छ। कतिपयले यसलाई जनताले देखाएको विश्वासको संकेत मान्छन् भने कतिपयले यसलाई सामाजिक उत्साहका रूपमा लिन्छन्। कुनै व्यक्तिलाई निर्वाचन अगावै भावी नेतृत्वका रूपमा चित्रित गरिनु आफैँमा चासोको विषय हो। यसले स्थानीय जनतामा नयाँ नेतृत्वको खोजी भइरहेको संकेत पनि दिन्छ।
तर लोकप्रियता मात्र पर्याप्त हुँदैन, नेतृत्वका लागि स्पष्ट योजना र व्यवहारिक कार्यशैली पनि आवश्यक हुन्छ। घोराहीजस्तो तीव्र रूपमा विस्तार भइरहेको शहरमा पूर्वाधार विकास, सडक व्यवस्थापन, खानेपानी, फोहोर व्यवस्थापन, शिक्षा सुधार, लगानी प्रवर्द्धन, खेलकुद संरचना निर्माण तथा युवालाई रोजगारीसँग जोड्ने चुनौतीहरू छन्। त्यसैले कुनै पनि उम्मेदवारले भावनात्मक समर्थनसँगै व्यवहारिक कार्ययोजना प्रस्तुत गर्न सक्नुपर्छ। प्रियासनप्रति बढ्दो समर्थनलाई दीर्घकालीन राजनीतिक विश्वासमा बदल्न उनले स्पष्ट एजेन्डा र निरन्तर जनसम्पर्क कायम राख्नुपर्ने देखिन्छ।
यस घटनाले नेपालको स्थानीय राजनीतिमा एउटा नयाँ संस्कारको सुरुवात गर्न सक्ने सम्भावना पनि देखाएको छ। यदि उम्मेदवारहरू चुनाव आउनुभन्दा धेरै अगाडि नै आफ्नो योजना लिएर जनतामाझ जान थाले भने मतदाताले पनि तुलना गर्न, मूल्यांकन गर्न र योग्य नेतृत्व छनोट गर्न पर्याप्त समय पाउनेछन्। यसले लोकतन्त्रलाई अझ परिपक्व बनाउन मद्दत गर्न सक्छ।
अर्कोतर्फ, आलोचनात्मक दृष्टिकोणले हेर्दा राजनीतिक घोषणालाई केवल लोकप्रियताको माध्यम बनाउने प्रवृत्ति पनि चुनौती बन्न सक्छ। चुनावी घोषणा भाइरल हुनु मात्र उपलब्धि होइन, त्यसलाई व्यवहारमा रूपान्तरण गर्ने क्षमता महत्वपूर्ण पक्ष हो। त्यसैले जनताले पनि भावनामा होइन, योजना, क्षमता र कार्यसम्पादनको आधारमा नेतृत्व मूल्यांकन गर्न आवश्यक छ।
आज घोराहीमा सबिन प्रियासनको चर्चा छ। चोक, गल्ली, बजार, सभा, गोष्ठी र सामाजिक सञ्जालमा उनको नाम गुञ्जिरहेको छ। कतिपयले उनीभित्र परिवर्तनको सम्भावना देखिरहेका छन्, कतिपय अझै पर्ख र हेरको अवस्थामा छन्। तर एउटा कुरा भने स्पष्ट छ—उनको उम्मेदवारी घोषणाले घोराहीको राजनीतिक बहसलाई नयाँ दिशा दिएको छ।
स्थानीय निर्वाचन आउन अझै समय बाँकी भए पनि अहिले नै सुरु भएको यो बहसले एउटा सन्देश दिएको छ—राजनीति केवल चुनावी नारामा सीमित हुनु हुँदैन, यो दीर्घकालीन योजना, निरन्तर संवाद र जनविश्वासको यात्रा हो। यदि यो अभ्यास सकारात्मक रूपमा अघि बढ्यो भने, सम्भवतस् घोराहीबाट सुरु भएको यो नयाँ राजनीतिक शैली नेपालका अन्य पालिकामा पनि उदाहरण बन्न सक्छ। म यतिबेला विदेशमा छु। धेरै साथीभाइहरु छन् यहाँ। प्रियासनन दाईको उम्मेदवारी घोषणाले यहाँ भएका थुप्रै युवाहरू स्वदेश फर्कनु पर्छ भन्ने छलफलमा समेत जुटेका छन्। समग्रमा सबिन प्रियासनको उम्मेदवारी घोषणाले देशलाई माया गर्ने अनि केही गर्छु भन्ने व्यक्तिहरुलाई आशा जगाएको छ।
कार्यक्रममा अस्पताल सञ्चालक समिति सदस्य डा. लुना अर्याल ले संस्थागत सामाजिक उत्तरदायित्व अन्तर्गत आगामी दिनमा पनि यस्ता स्वास्थ्य शिविरलाई निरन्तरता दिइने जानकारी दिनुभयो । उहाँले ग्रामीण समुदायमा स्वास्थ्य सेवाको पहुँच विस्तार गर्नु अस्पतालको मुख्य उद्देश्य रहेको उल्लेख गर्नुभयो ।अस्पतालका प्रमुख कार्यकारी अधिकृत दिपक रोका ले शिविर सञ्चालनमा सहकार्य गरेको भन्दै शान्तिनगर गाउँपालिकाप्रति आभार व्यक्त गर्नुभयो । उहाँले अस्पताल स्थापनाको इतिहासबारे चर्चा गर्दै विपन्न तथा स्वास्थ्य सेवाको पहुँचबाट टाढा रहेका नागरिकलाई निःशुल्क उपचार सेवा उपलब्ध गराउनु शिविरको मुख्य उद्देश्य रहेको बताउनुभयो । रोकाले शिविरमार्फत प्रारम्भिक रोग पहिचान, स्वास्थ्य सचेतना अभिवृद्धि, विशेषज्ञ सेवाको पहुँच विस्तार तथा आवश्यक बिरामीलाई प्रेषण सेवा प्रदान गरिएको जानकारी दिनुभयो । उहाँका अनुसार शिविरमा भिडियो एक्स–रे, ल्याब परीक्षण तथा औषधि वितरण सेवा समेत निःशुल्क प्रदान गरिएको थियो । साथै शिविरमा उपचार गराएका बिरामीलाई थप उपचारका लागि अस्पताल जानुपरे औषधिबाहेक अन्य सेवामा २० प्रतिशतसम्म छुट दिइने व्यवस्था गरिएको जानकारी दिनुभयो ।
अस्पतालका निमित्त मेडिकल डाइरेक्टर तथा कन्सल्टेन्ट फिजिसियन डा. बाचसपति सुवेदी का अनुसार शिविरमा जनरल फिजिसियन, हाडजोर्नी तथा नशा रोग, स्त्री तथा प्रसूति, जनरल सर्जरी, बालरोग, नाक–कान–घाँटी लगायतका विशेषज्ञ चिकित्सकबाट सेवा प्रदान गरिएको थियो ।त्यसैगरी अस्पतालका प्रमुख प्रशासकीय अधिकृत अनिल अर्याल ले तीन सय शैयाको शिक्षण अस्पतालमा हाल आईसियु, सिसियु, एमआइसियु, एनआइसियु, पिआइसियु, एसआइसियु तथा एचडियु सेवा सञ्चालनमा रहेको जानकारी दिनुभयो । उहाँका अनुसार रेडियोग्राफी अन्तर्गत डिजिटल एक्स–रे, भिडियो एक्स–रे, म्यामोग्राफी, इसिजी, इको, सिटी स्क्यान, एमआरआई, इन्टर्भेन्सनल इन्डोस्कोपी तथा कोलोनोस्कोपी सेवा उपलब्ध छन् । साथै निकट भविष्यमै न्युरो, युरो तथा कार्डियाक सेवा विस्तार गर्ने योजना रहेको उहाँले बताउनुभयो ।
स्वास्थ्य शिविरबाट सेवा लिएका स्थानीय सेवाग्राहीहरूले विशेषज्ञ चिकित्सकबाट गाउँमै स्वास्थ्य परीक्षण गराउन पाएकोमा खुशी व्यक्त गरेका थिए । शुल्क भिडियो एक्स–रे, ल्याब परीक्षण र औषधि सेवा उपलब्ध गराएको भन्दै उनीहरूले आयोजकप्रति आभार व्यक्त गरेका छन् ।कार्यक्रममा वडा अध्यक्षहरू मिन बहादुर के.सी, ओपेन्द्र बहादुर रावत, तारा बहादुर ओली लगायत जनप्रतिनिधि, स्वास्थ्य स्वयंसेविका, सुरक्षाकर्मी तथा कर्मचारीहरूको सक्रिय सहभागिता रहेको थियो ।गाउँपालिका उपाध्यक्ष प्रेम कुमारी बुढाथोकीको स्वागत मन्तब्यबाट सुरु भएको शिविर उद्घाटन सत्रको सञ्चालन गाउँपालिकाका स्वास्थ्य शाखा प्रमुख घनश्याम पाण्डे ले गर्नुभएको थियो ।
