घोराही २१ चैत्र
गुरुकुल एकेडेमी घोराहीमा आयोजित इन्ट्रा स्कुल बास्केटबल प्रतियोगिता आज सम्पन्न भएको छ। विद्यालयका विद्यार्थीहरूको उत्साहजनक सहभागितामा यस प्रतियोगिताले विद्यालय खेलकुद क्षेत्रलाई नयाँ ऊचाइमा पुर्याएको छ। प्रतियोगिता ५ समुहको सहभागितामा सञ्चालन गरिएको थियो । प्रतियोगितामा गुरुकुल एकेडेमी घोराहीका ३ जनाको समुह भएका ५ वटा समुहले भाग लिएका थिए। प्रतियोगितामा हसल समुह , भाइपर , बास्केटबल ,आरजिए , बिएसकेएसको समुह बिच प्रतिष्पर्धा भएको हो । प्रतियोगितामा हसल समुहका विद्यार्थीहरूले उत्कृष्ट प्रदर्शन गर्दै उपाधि हात पारेका हुन ।
प्रतियोगिता समापन समारोहमा विद्यालयका प्लसटु संयोजक राजन अधिकारी उपस्थित हुनभएको थियो । उँहाले विद्यार्थीहरूलाई उत्साहजनक शब्दहरू मार्फत खेलकुदको महत्व र शारीरिक विकासमा यसको योगदानको बारेमा चर्चा गर्नुभयो। उँहाले भन्नुभयो खेलकुदले विद्यार्थीहरूको शारीरिक र मानसिक विकासमा महत्वपूर्ण भूमिका खेल्दछ। यो प्रतियोगिता हाम्रो विद्यालयको खेलकुद क्षेत्रमा अझै उत्कृष्टता ल्याउने एक नयाँ प्रयास हो।कार्यक्रममा विद्यालयका खेल शिक्षक, विद्यार्थीका अभिभावकहरू र विभिन्न शिक्षकहरूको समेत उपस्थिति थियो। विजयी टोलिहरूलाई अफिसियल मन्दिप गिरीले पुरस्कार र प्रमाणपत्र प्रदान गर्नुभएको थियो। विद्यालयका प्रमुख खेल प्रशिक्षक तथा संस्कार प्रमुख भुगोल कुँवरले प्रतियोगिता आयोजक टोलीको सराहना गर्दै भविष्यमा अझ ठूलो र चुनौतीपूर्ण प्रतियोगिताहरूको आयोजना गर्ने कुरा पनि बताउनुभएको छ ।
साथै उँहाले प्रतियोगिताको रेफ्रिको भुमिकासमेत निर्वाह गर्नुभएको थियो । साथै अन्य अफिसियलमा मन्दिप गिरी र आयुष नेपाली रहनुभएको थियो । यस प्रतियोगिताले विद्यालयमा बास्केटबल प्रति विद्यार्थीहरूको रुचि थप बलियो बनाएको छ र आगामी दिनहरूमा यसका गतिविधिहरूलाई अझ प्रोत्साहन दिइने आशा गरिएको छ। प्रतियोगिताका संयोजक बिबेक देबकोटाको स्वागत मन्तब्यबाट सुरु भएको कार्यक्रमको सहजिकरण इसिए संयोजक विशालमान श्रेष्ठले गर्नुभएको थियो ।