स्कुल बसले ठक्कर दिँदा दाङको देउखुरीमा युवकको मृत्यु भएको छ । लमही भालुवाङ सडकखण्डको बिजौरीमा स्कुल बसले मोटरसाईकललाई ठक्कर दिँदा मोटरसाइकल चालक राप्ती गाउँपालिका ८ बिजौरीका २० वर्षिय किशन शाहीको मृत्यु भएको इलाका प्रहरी कार्यालय भालुवाङले जनाएको छ ।
गोरखा आइडएल विद्यालय लालमटियाको रा१क १४१८ नम्वरको बसले रा५प २६०१ नम्वरको मोटरसाईकललाई ठक्कर दिँदा मोटरसाइकल चालक शाहीको घटनास्थलमै मृत्यु भएको प्रहरीले जनाएको छ ।
घटनापछि आक्रोशित स्थानीयले अहिले पूर्व पश्चिम राजमार्गको लमही भालुवाङ सडकखण्ड अवरुद्ध गरेका छन् ।
प्रकाशित मिति : २०८१ पुष २ गते मङ्गलवार
