घोराही १५ मंसिर
डाँफे वचत तथा ऋण सहकारी संस्था घोराही १४ को १७ औँ वार्षिक साधारणसभा शनिवार घोराहीमा सम्पन्न भएको छ । सहकारी संस्थाका अध्यक्ष रवि पौडेलको अध्यक्षता एवं सहकारीका संस्थापक अध्यक्ष ओविन्द्र बहादुर महराको प्रमुख आतिथ्यतामा सम्पन्न भएको थियो ।
सो अवसरमा उत्कृष्ठ बचतकर्ता मनकर्ण केसी र हेमलाल आचार्यलाई कदरपत्रले सम्मान गरीएको थियो । यसैगरी असल ऋणी तुक्मा बुढालाई पनि सम्मान गरीएको थियो । कार्यक्रममा प्रगति प्रतिवेदन सचिव शिवलाल आचार्यले र आर्थिक प्रतिवेदन कोषाध्यक्ष लालबहादुर कुँवरले प्रस्तुत गर्नुभएको थियो ।
कार्यक्रममा विशिष्ट अतिथि निशान्त आचार्य, सहकारी संस्थाका नि अध्यक्ष एकनारापयण पौडेल लगाएतले शुभकामना मन्तव्य व्यक्त गर्नुभएको थियो । संस्थाका सदस्य गुरुप्रसाद महराको स्वागत बाट शुरु भएको कार्यक्रम सञ्चालन सचिव शिवलाल आचार्यले गर्नुभएको थियो ।
